蕭徽勇蔬果汁斷食法60日內減60磅 Gordon：毋須服藥解決高血壓問題【有片】
發布時間： 2019/06/27 11:00
最後更新： 2021/06/21 16:44
談起蕭徽勇Gordon哥哥，觀眾最記得的相信是他主持過的兒童節目以及他曾經「龐大」的身形，而最近最多人提到的，是他極力推行的「蔬果汁斷食法」，成功讓他於60日內減去60磅，重啟身體機能解決高血壓問題！
「我不停強調呢樣嘢唔係要嚟減肥，某程度上其實係要嚟醫病。」Gordon在訪問過程中多次提及這個源自澳洲的「蔬果汁斷食法」並非減肥方法，而是以蔬果汁進行長期斷食，同時讓從未停止工作過的腸胃休息，讓身體機能得以重啟，而大幅度減磅，只是斷食法的「副作用」。
根據醫學及科學研究，證實斷食係可行，但辟穀或者禁食只能維持短時間，得到脫水效果，而蔬果汁斷食則以非傳統方法取得營養，呃身體只係飲水，腸胃得以休息。
多年來維持肥胖身型，體重一度高達300磅的Gordon，於兩、三年前發現血壓高的問題，起初只以食藥解決，直到醫生告知他血壓實在太高，還需要減磅輔助：
醫生話未必一定死，有機會係中風、半身癱瘓，主要呢下Click到『係喎會成為家人負累』，於是決定的起心肝做運動減肥。
Gordon以運動配合節食，9個月內減去50磅，數字上非常理想：
減肥往往會有樽頸位，開始蔬果汁斷食前減到250磅以下。最沮喪係我付出咗好多汗水，想象下就如我而家身形手拎兩個30公斤行李在跑步機上，個種痛苦堅持咗大半年，不過除了我以外無人知我減去50磅，300磅同250磅在觀眾角度睇係無分別，當下去到幾絕望嘅地步。
此時Gordon想起曾在澳洲電台共事過的米奇，向他提起自己親身試過的「蔬果汁斷食法」，於是決定一試：
第一日下午已經想叫救命，由於係社交平台告知全世界會進行呢件事，無得縮沙唯有死頂。
他憶述起初三天是最恐怖的階段：「試過第一、二晚半夜瞓醒，有午夜夢迴、天旋地轉嘅感覺，但跟住倒頭大睡，第二朝瞓醒都係無事。」Gordon指出，其實現代人出生以來只有食多無食少，以60日來進行斷食，只是佔據生人不足2%的日子：「其實唔係生理問題，完全係心理問題，因為我哋從來無捱過餓。」
本來需要服用藥物解決血壓問題，以及患有睡眠窒息症的Gordon，在開始蔬果汁斷食後短時間內，已經同時停藥並解決了這兩個纏繞他多年的健康問題，難怪他直言：「某程度上要來醫病！」
實行才一星期，Gordon已經見到成效，大肚腩減半之餘，上磅更輕了十幾磅：「我會以爬山嚟形容，一路爬上去好艱辛，但當你爬到山頂，見到眼前風景『嘩』一聲，我會比喻為上磅後見到數字後個下『嘩』。」
60日結束後，Gordon減去60磅，對他來說過後一年的轉變比該60日的幅度更大，體重不單止未有反彈，還多瘦了30磅！Gordon自爆恢復進食的第一餐，吃掉半個橙已經覺得飽：
除咗重啟我身體機能，心態亦都改變。以前會餐餐想据扒、大魚大肉，放題唔好蝕。以前係個肚食唔到但個腦同心會叫你繼續食，而家調返轉，個肚話我知食唔到、放題唔好預我啦。
回復正常飲食一年，Gordon會吃快餐、放題、甜品，間中以蔬果汁作代餐，配合運動，體重回落至163磅：「我唔會用瘦形容自己，會用個fit字。」
與米奇在社交網站組成「復瘦者聯盟」，是為了對蔬果汁斷食法感興趣的人士，提供「Juice Buddy」大家互相支持：
身邊有太多雜聲，亦有好多人懷疑，我唯有不停講、將正確資訊傳遞，有人覺得我似講道，我形容為姜太公釣魚、願者上釣，我純分享無收錢，有版你睇。
蔬果汁斷食法最大原則：
- 必須使用榨汁機而非攪拌機，只能喝液體讓腸胃完全地休息。除蔬果汁亦可喝水，但不能喝湯品、豆漿、涼茶等等。
- 果汁成份比例至少有七成蔬菜、三成果汁，可以自行調較比例如八二、一九等，但至少要有七成蔬菜，並建議選擇多汁的蔬果如青瓜、蘋果等。
- 蔬果汁份量不影響斷食成效。
- 蔬果汁斷食需要有無比決心與自制能力。
儲存蔬果汁容器：
都市人因工作關係未能每餐即榨即飲蔬果汁，Gordon建議可在家中預先製作再帶出門，首選的盛載容器為玻璃，次選為塑膠瓶。但千萬不要用真空杯，因為果汁會氧化，雖然喝下去不會肚痛，但氧化後的果汁營養盡失、等同喝水。
Gordon招牌Green Juice（一人一餐份量）：
羽衣甘藍（4棵）、西芹（2根）、苦瓜（半條）、青瓜（一條）、蘋果（一個）、檸檬（半個連皮）、薑（適量）
備註：羽衣甘藍含有豐富蛋白質，適合斷食人士補充營養；薑為怕寒涼女士而設；切記洗淨所有蔬果。
場地提供：PenthouseParty
撰文 : 陳心怡 TOPick記者
